തിരുവനന്തപുരം: ശബരിമല സ്വര്ണ്ണക്കൊളള കേസില് നടന് ജയറാമിന് എന്ഫോഴ്സ്മെന്റ് ഡയറക്ടറേറ്റിന്റെ നോട്ടീസ്. 17ന് കൊച്ചിയിലെ ഇഡി ഓഫീസില് ചോദ്യംചെയ്യലിന് ഹാജരാകാനാണ് നോട്ടീസില് പറഞ്ഞിരിക്കുന്നത്. കേസിലെ മുഖ്യപ്രതി ഉണ്ണികൃഷ്ണന് പോറ്റിയുമായി ജയറാമിനുള്ള സാമ്പത്തിക ഇടപാടുകള് ഇഡി പരിശോധിക്കും.
ശബരിമലയില് നിന്ന് കൊണ്ടുപോയ കട്ടിളപ്പാളികള് ജയറാമിന്റെ ചെന്നൈയിലെ വീട്ടില് എത്തിച്ചതിന്റെ ദൃശ്യങ്ങള് നേരത്തേ പുറത്തുവന്നിരുന്നു. തുടര്ന്ന് എസ്ഐടി ജയറാമിന്റെ മൊഴിയെടുക്കുകയും ചെയ്തു. നസ്വര്ണക്കൊള്ളയുമായി ജയറാമിന് ബന്ധമില്ലെന്നും പ്രതികളുമായി സാമ്പത്തിക ഇടപാടുകളില്ലെന്നും ഇനി ചോദ്യം ചെയ്യേണ്ട ആവശ്യമില്ലെന്നുമായിരുന്നു എസ്ഐടി നിലപാട്. ഉണ്ണികൃഷ്ണന് പോറ്റി ജയറാമിനെ തെറ്റിദ്ധരിപ്പിച്ച് ചടങ്ങുകളില് പങ്കെടുപ്പിച്ചുവെന്നാണ് എസ്ഐടിയുടെ നിഗമനം.
