തിരുവനന്തപുരം: തിരുവനന്തപുരത്ത് വീട് ഭാഗീകമായി കത്തി നശിച്ചു. വിഷുക്കണിയിൽ നിന്ന് തീ പിടിച്ചാണ് അപകടം സംഭവിച്ചത്. കുടപ്പനക്കുന്ന് തുമ്പിക്കോണം ലൈനിൻ താമസിക്കുന്ന ഗീതയുടെ വീടിനാണ് ഭാഗീകമായി കത്തി നശിച്ചത്.
ഇന്ന് പുലർച്ചയോടെയാണ് സംഭവം ഉണ്ടായത്. കണികാണുന്നതിനായി പുലർച്ചെ ഇവർ നിലവിളക്കുകൾ കൊളിത്തിയിരുന്നു. തുടർന്ന് കണി കണ്ട ശേഷം ഇവർ കിടന്നുറങ്ങി. ഇതിനിടെയാണ് നിലവിളക്കിൽ നിന്ന് തീ പടർന്ന് പിടിച്ചത്. അപകടത്തിൽ വീടിന്റെ ഹാളും ഉപകരണങ്ങളും കത്തി നശിച്ചു.
വീടിന്റെ ജനൽ ചില്ലുകൾ പൊട്ടിത്തെറിച്ചു. നാട്ടുകാർ ഓടിയെത്തി ജനാല വഴി വെള്ളം കോരി ഒഴിച്ച് തീ അണയ്ക്കുകയായിരുന്നു. മാത്രമല്ല പുക ശ്വസിച്ച് മൂന്നു പേർക്ക് ശാരീരിക ബുദ്ധിമുട്ട് അനുഭവപ്പെട്ടു. ഇവരെ തിരുവനന്തപുരത്തെ സ്വകാര്യ ആശുപത്രിയിൽ പ്രവേശിപ്പിച്ചു.
