ഇടുക്കി: ഇലക്ഷൻ ഫലപ്രഖ്യാപനം വരാൻ രണ്ടു ദിവസം മാത്രം ബാക്കി നിൽക്കെ തൊടുപുഴയിൽ വി ഡി സതീശന് വേണ്ടി കൂറ്റൻ ഫ്ലക്സ്. തൊടുപുഴ പട്ടയംകവലയ്ക്ക് സമീപം വെള്ളിയാഴ്ച രാത്രിയാണ് ഫ്ളെക്സ് പ്രത്യക്ഷപ്പെട്ടത്.
വി ഡി സതീശന്റെ പൂര്ണ്ണകായ ചിത്രത്തോടൊപ്പം ‘പട നയിച്ചവന് നാട് നയിക്കും’ എന്നും ‘നിലപാടിന്റെ രാജകുമാരന് അഭിവാദ്യം’ എന്നും വാചകമുണ്ട്. ടീം യുഡിഎഫ് തൊടുപുഴ എന്ന പേരിലാണ് ഫ്ലക്സ് സ്ഥാപിച്ചിട്ടുള്ളത്. വോട്ടെടുപ്പ് കഴിഞ്ഞതിനു ശേഷം സംസ്ഥാനത്ത വിവിധ സ്ഥലങ്ങളിലും സതീശനുവേണ്ടി ബോര്ഡുകള് ഉയർന്നിരുന്നു.
കണ്ണൂരിലും വി ഡി സതീശനെ അനുകൂലിച്ച് ഫ്ലക്സ് ബോർഡ് ഉയര്ന്നു. നിയുക്ത മുഖ്യമന്ത്രിക്ക് അഭിവാദ്യങ്ങൾ എന്നാണ് ഫ്ലക്സിലെ വാചകം. എറണാകുളത്തും ഇത്തരത്തിൽ ഫ്ലക്സ് ബോർഡ് സ്ഥാപിച്ചിരുന്നു, കോണ്ഗ്രസിലെ മുഖ്യമന്ത്രി ചര്ച്ച വിവാദമായി പുരോഗമിക്കുന്നതിനിടെയാണ് വീണ്ടും ഫ്ളക്സ് ഉയര്ന്നത്.
