ഡൽഹി: ഏഷ്യന് ഗെയിംസിനുള്ള സെലക്ഷന് ട്രയല്സില് പങ്കെടുക്കാന് ഗുസ്തിതാരം വിനേഷ് ഫോഗട്ടിന് സുപ്രിംകോടതിയുടെ അനുമതി. ഏഷ്യൻ ഗെയിംസിന്റെ സെലക്ഷൻ ട്രയൽസിൽ പങ്കെടുക്കാമെന്ന ഡൽഹി ഹൈക്കോടതിയുടെ വിധിയിൽ ഇടപെടില്ലെന്ന് സുപ്രീം കോടതി വ്യക്തമാക്കി.
റെസ്ലിങ് ഫെഡറേഷന് തിരിച്ചടി നൽകുന്നതാണ് സുപ്രീം കോടതിയുടെ ഉത്തരവ്. വിനേഷ് ഫോഗട്ട് രാജ്യത്തിന്റെ അഭിമാനമെന്നും കോടതി വ്യക്തമാക്കി. ഗുസ്തിയിൽ നേടിയ നേട്ടങ്ങളിലൂടെ അവർ രാജ്യത്തിന് ബഹുമതികൾ നേടിത്തന്നിട്ടുണ്ടെന്ന് നിരീക്ഷിച്ചാണ് സുപ്രീം കോടതി ഇക്കാര്യം പറഞ്ഞത്.
മറ്റാരെങ്കിലുമായിരുന്നെങ്കിൽ ഇത് വ്യത്യസ്തമായ നിലയിലായേനെ എന്നും അവർ രാജ്യത്തിന്റെ അഭിമാനമാണ് എന്നും സുപ്രീം കോടതി പരാമർശിച്ചു. ജസ്റ്റിസ്മാരായ പി.എസ്. നരസിംബ, അലോക് അരാധേ എന്നിവരടങ്ങുന്ന ബെഞ്ചാണ് അപ്പീൽ ഹർജി പരിഗണിച്ചത്. ഈ മാസം 30, 31 തീയതികളില് ആണ് സെലക്ഷന് ട്രയല്സ് നടക്കുന്നത്.
