കാസര്കോട്: പെരിയ ഇരട്ടക്കൊലക്കേസിൽ നാല് പ്രതികളുടെ പരോള് തടഞ്ഞതായി സൂചന. പ്രതികളുടെ കൂട്ടപരോള് വിവാദമായതിന് പിന്നാലെയാണ് നടപടി. ആറ് പ്രതികൾ ഇറങ്ങിയതിന് പിന്നാലെയാണ് കൂട്ടപരോൾ വിവാദമായത്.
ആഭ്യന്തര വകുപ്പ് അന്വേഷണ റിപ്പോർട്ട് പരിശോധിച്ച ശേഷമായിരിക്കും തുടർനടപടി. ചട്ടങ്ങൾ ലംഘിച്ച് എല്ലാ പ്രതികൾക്കും ഒരുമിച്ച് പരോൾ നൽകി എന്നായിരുന്നു പരാതി. പിന്നാലെ ആഭ്യന്തരമന്ത്രി രമേശ് ചെന്നിത്തല അടിയന്തര റിപ്പോര്ട്ട് ആവശ്യപ്പെട്ടിരുന്നു.
പ്രതികൾക്ക് കൂട്ടത്തോടെ പരോള് അനുവദിച്ചത് അടിയന്തരമായി പരിശോധിച്ച് റിപ്പോര്ട്ട് നല്കാനാണ് ആഭ്യന്തര മന്ത്രി ആഭ്യന്തര വകുപ്പ് അഡീഷണല് ചീഫ് സെക്രട്ടറി ബിശ്വനാഥ് സിന്ഹയോട് ആവശ്യപ്പെട്ടിരിക്കുന്നത്. സുരക്ഷാ പ്രശ്നങ്ങള് ചൂണ്ടിക്കാട്ടി നാല് പ്രതികള്ക്ക് ജയിലില് നിന്ന് ഇറങ്ങാന് അനുമതി നല്കിയില്ലെന്നാണ് വിവരം. എല്ഡിഎഫ് സര്ക്കാര് അധികാരമൊഴിയുന്നതിന് തൊട്ടുമുമ്പാണ് ജയില് വകുപ്പ് ഈ പരോള് നടപടികള്ക്ക് അനുമതി നല്കിയത്.
