മംഗലാപുരം: മംഗലാപുരത്തെ പഞ്ചിക്കല്ലില് ഉണ്ടായ ഉരുള് പൊട്ടലില് മൂന്നുപേര് മരിച്ചു. ഇവര് ടാപ്പിങ് തൊഴിലാളികളായ പാലക്കാട് സ്വദേശി ബിജു, ആലപ്പുഴ സ്വദേശി സന്തോഷ്, കോട്ടയം സ്വദേശി ബാബു എന്നിവരാണ് മരിച്ചത്. കണ്ണൂര് സ്വദേശി ജോണിയെ പരിക്കുകളോടെ ആശുപത്രിയില് പ്രവേശിപ്പിച്ചു.
ദക്ഷിണ കന്നഡ ജില്ലയിലെ പഞ്ചിക്കല് ഗ്രാമത്തിലെ ബന്ദ്വാളിലാണ് അപകടം ഉണ്ടായത്. മൂന്നുപേരെ രക്ഷപ്പെടുത്തി. പരിക്കേറ്റ് ആശുപത്രിയിലുള്ള ഒരാളുടെ നില ഗുരുതരമാണ്.
പ്രദേശത്ത് കനത്ത മഴ തുടരുകയാണ്. മഹാരാഷ്ട്ര, കര്ണാടക സംസ്ഥാനങ്ങളിലെ വിവിധ ജില്ലകളില് റെഡ് അലര്ട്ട് പുറപ്പെടുവിച്ചിട്ടുണ്ട്. മഴ തുടരുന്ന സാഹചര്യത്തില് കര്ണാടകയിലെ ഉഡുപ്പി, കുടക് ജില്ലകളിലെ വിദ്യാഭ്യാസ സ്ഥാപനങ്ങള്ക്കെല്ലാം അവധി പ്രഖ്യാപിച്ചു.
