തൃശൂർ: തൃശൂരിൽ കുട്ടനെല്ലൂരിലുള്ള കാർ ഷോറൂമിൽ വൻ തീപിടുത്തം. അപകടമുണ്ടായത് ഇന്ന് രാവിലെ 7 മണിയോടെയാണ്. അഗ്നിശമനസേനയുടെ ആറ് യൂണിറ്റുകൾ സംഭവ സ്ഥലത്തെത്തി രക്ഷാപ്രവർത്തനം പുരോഗമിക്കുകയാണ്. തീ ഭാഗികമായി നിയന്ത്രണവിധേയമാക്കിയിട്ടുണ്ട്. എന്നാൽ കനത്ത പുക ഉയർന്നിട്ടുണ്ട്. തീപിടുത്തത്തിന്‍റെ കാരണം എന്താണെന്ന് വ്യക്തമല്ല.
ഷോറൂമുകളിലുണ്ടയിരുന്ന ചില വാഹനങ്ങൾ തീ ആളിപടർന്നതോടെ കത്തി നശിച്ചിട്ടുണ്ട്. പെട്ടെന്നു തന്നെ നിരവധി വാഹനങ്ങൾ അവിടെനിന്നും മാറ്റാനായതുകൊണ്ട് കൂടുതൽ വാഹനങ്ങൾക്കും കേടുപാടുകൾ ഉണ്ടായിട്ടില്ല.
