തിരുവനന്തപുരം: ഡിഫറന്റ് ആര്‍ട് സെന്ററിലെ ഭിന്നശേഷിക്കുട്ടികളുടെ അമ്മമാരുടെ കൂട്ടായ്മയായ കരിസ്മയുടെ നേതൃത്വത്തില്‍ നടക്കുന്ന വനിതാദിനാഘോഷങ്ങളുടെ ഭാഗമായി ചലച്ചിത്രതാരം സന്തോഷ് കീഴാറ്റൂര്‍ അവതരിപ്പിക്കുന്ന പെണ്‍നടന്‍ എന്ന എകാങ്ക നാടകം നാളെ (വെള്ളി) വൈകുന്നേരം 4ന് ഡിഫറന്റ് ആര്‍ട് സെന്ററില്‍ അരങ്ങേറും.
സന്തോഷ് കീഴാറ്റൂര്‍, സുരേഷ് ബാബു ശ്രീസ്ഥ എന്നിവരാണ് നാടകത്തിന്റെ രചന നിര്‍വഹിച്ചിരിക്കുന്നത്. മലയാളത്തിലെ ആദ്യകാല സംഗീതനാടകങ്ങളില്‍ സ്ത്രീവേഷങ്ങള്‍ അവതരിപ്പിച്ച ഓച്ചിറ വേലുക്കുട്ടിയാശാന്റെ ജീവിത കഥ പ്രമേയമാക്കിയാണ് പെണ്‍നടന്‍ അരങ്ങത്തെത്തുന്നത്.
