കണ്ണൂർ: കണ്ണൂരിൽ ട്രെയിനിൽ തീപിടിത്തം. കണ്ണൂർ റെയിൽവേ സ്റ്റേഷനിൽ നിർത്തിയിട്ട ട്രെയിനിന്റെ ബോഗിയാണ് കത്തി നശിച്ചത്. ബുധനാഴ്ച രാത്രി ഒന്നരയോടെയാണ് ബോഗിയിൽ തീ പടരുന്നതായി ജീവനക്കാരുടെ ശ്രദ്ധയിൽ പെട്ടത്. കത്തി നശിച്ചത് ആലപ്പുഴ- കണ്ണൂർ എക്സിക്യൂട്ടീവ് എക്സ്പ്രസ് ട്രെയിനിന്റെ ബോഗിയാണ്. ട്രെയിനിന് ആസൂത്രിതമായി തീ വച്ചതെന്ന സംശയം ബലപ്പെടുന്നു. ബോഗിയുടെ ജനൽച്ചില്ല് തകർത്ത നിലയിലാണുള്ളത്. അക്രമി ട്രെയിനിൽ പ്രവേശിക്കാനായി ജനൽച്ചില്ല് തകർത്തതാകാമെന്നാണ് അന്വേഷണ സംഘത്തിന്റെ നിഗമനം.
അപകടത്തിൽ ആർക്കും പരിക്കില്ല. അതേ സമയം സംഭവത്തിൽ അട്ടിമറിയുണ്ടോയെന്ന സംശയവും ശക്തമാണ്. റെയിൽവേ പൊലീസ് അന്വേഷണം ആരംഭിച്ചു.തീപിടിച്ചത് എലത്തൂരിൽ തീവെപ്പുണ്ടായ അതേ ട്രെയിനിലാണ്.
ട്രെയിനിനു പുറത്തു നിന്ന് തീയിട്ടതായിരിക്കുമെന്നാണ് പ്രാഥമിക നിഗമനം. കത്തിയത് ഏറ്റവും പുറകിലെ മൂന്നാമത്തെ ബോഗിയാണ്. തീ അണച്ചത് മൂന്നു യൂണിറ്റ് അഗ്നിശമനാ സേനാംഗങ്ങൾ എത്തിയാണ്. സമീപത്തെ ബോഗികൾക്ക് കേടുപാടുകൾ ഇല്ല.
