തിരുവനന്തപുരം: വ്യാജ സർട്ടിഫിക്കറ്റ് ആരുണ്ടാക്കിയാലും അംഗീകരിക്കാനാവില്ലെന്ന് സിപിഎം സംസ്ഥാന സെക്രട്ടറി എം.വി. ഗോവിന്ദൻ. കൂടാതെ കെഎസ്‌യുക്കാരുണ്ടാക്കുന്ന വ്യാജ സർട്ടിഫിക്കറ്റുകൾക്കും എസ്എഫ്ഐക്കാരെ എന്തിനാണ് പഴിക്കുന്നതെന്നും അദ്ദേഹം ചോദിച്ചു. എസ്എഫ്ഐയെ ഒറ്റപ്പെട്ട സംഭവങ്ങളുടെ പേരിൽ തകർക്കാനാവില്ലെന്നും അദ്ദേഹം വ്യക്തമാക്കി.
വ്യാജ രേഖ കേസുമായി ബന്ധപ്പെട്ട് കെ. വിദ്യയുടെ അറസ്റ്റ് വൈകിയിട്ടില്ല. ഒളിവിൽ കഴിഞ്ഞപ്പോൾ സിപിഎമ്മുകാർ സഹായിച്ചോ എന്ന കാര്യം അന്വേഷിച്ച ശേഷം നടപടിയെടുക്കുമെന്നും തെറ്റായ പ്രവണതകളുണ്ടെങ്കിൽ തിരുത്തുമെന്നും ബാബുജാൻ സിൻഡിക്കേറ്റഗം എന്ന നിലയിൽ ഇടപെട്ടിട്ടുണ്ടാവുമെന്നും അദ്ദേഹം കൂട്ടിച്ചേർത്തു.
മധ്യമങ്ങൾക്കുള്ള തിരിച്ചടിയാണ് പ്രിയ വർഗീസിന് അനുകൂലമായ കോടതി വിധി. മാധ്യമങ്ങളെ കേരളത്തിൽ വേട്ടയാടുന്നു എന്ന പ്രചരണം തെറ്റാണ്. വാർത്ത വായിച്ചതിനെയല്ല, വാർത്തയുണ്ടാക്കിയതിനെയാണ് വിമർശിച്ചതെന്നും അദ്ദേഹം പറഞ്ഞു.
