തൃശൂർ: തൃശൂർ കണിമംഗലത്ത് സ്വകാര്യ ബസ് മറിഞ്ഞ് അൻപതോളം പേർക്ക് പരിക്കു പറ്റി. പലരുടെയും നില ഗുരുതരമാണ്. പരിക്കേറ്റവരെ തൃശൂരിലെ സ്വകാര്യ ആശുപത്രിയിലേക്ക് മാറ്റി.
രാവിലെ എട്ടരയോടെയാണ് അപകടമുണ്ടായത്. കണിമംഗലത്തു നിന്ന് തൃശൂരിലേക്ക് പോവുകയായിരുന്ന ബസാണ് മറിഞ്ഞത്. രാവിലെയായതിനാൽ തന്നെ യാത്രക്കാരിൽ ഏറെയും കുട്ടികളും സ്ത്രീകളുമാണ്. ബസ് നിയന്ത്രണം വിട്ടുമറിയുകയായിരുന്നെന്ന് നാട്ടുകാർ പറയുന്നു. ഫയർഫോഴ്സും നാട്ടുകാരും പൊലീസും ചേർന്നാണ് രക്ഷാപ്രവർത്തനം നടത്തുന്നത്.
