തിരുവനന്തപുരം : ഉച്ച ഭക്ഷണം വിതരണത്തിൽ സർക്കാർ അവഗണിക്കെതിരെ കാലി കലവുമായി എംഎസ്എഫ് സെക്രട്ടറിയേറ്റ് മാർച്ച് സംഘടിപ്പിച്ചു. വിദ്യാർഥികളെ പട്ടിണിയിലേക്കും അധ്യാപകരെ കടക്കണിയിലേക്കും തള്ളിവിട്ട സർക്കാരിനെതിരെ സംസ്ഥാന കമ്മിറ്റിയുടെ നേതൃത്വത്തിൽ ജില്ലാ കേന്ദ്രങ്ങളിൽ നടത്തിയ പ്രതിഷേധ സമരപരിപാടികളുടെ ഭാഗമായാണ് പ്രതിഷേധ സമരം സംഘടിപ്പിച്ചത്.
പാളയം രക്തസാക്ഷി മണ്ഡപത്തിൽ നിന്ന് പ്രതിഷേധ പ്രകടനവുമായി എത്തിയ പ്രവർത്തകരെ സെക്രട്ടേറിയറ്റിനു മുന്നിൽ പോലീസ് തടഞ്ഞു. പ്രതിക്ഷേധ സംഗമം ജില്ലാ മുസ്ലിം ലീഗ് പ്രസിഡന്റ് ബീമാപ്പള്ളി റഷീദ് ഉദ്ഘാടനം ചെയ്തു.
എം എസ് എഫ് ജില്ലാ പ്രസിഡന്റ് തൻസീർ അഴിക്കോട് അധ്യക്ഷനായി. മുസ്ലിം ലീഗ് ജില്ലാ ജനറൽ സെക്രട്ടറി നിസാർ മുഹമ്മദ് സുൽഫി , സംസ്ഥാന പ്രവർത്തക സമിതി അംഗമായ കണിയാപുരം ഹലിം , കന്യാകുളങ്ങര ഷാജഹാൻ , ഷംസുദീൻ ഹാജി , യൂത്ത് ലീഗ് ജില്ലാ പ്രസിഡൻ്റ് ഹാരിസ് കരമന , ജനറൽ സെക്രട്ടറി ഫൈസ് പൂവച്ചൽ ,ഫറാസ് മാറ്റപ്പള്ളി ,എം.എസ്.എഫ് സംസ്ഥാന സെക്രട്ടറി നൗഫൽ കുളപ്പട, ജില്ലാ ജനറൽ സെക്രട്ടറി ഗദ്ദാഫി വെമ്പായം .ആരിഫ് കാട്ടാക്കട, മുനീര് വാളിക്കോട് , തൗഫീഖ് അമരവിള , അൻസർ പെരുമാതുറ എന്നിവർ സംസാരിച്ചു.
