കോഴിക്കോട്: കോഴിക്കോട്ട് നാളെ മുതൽ വിദ്യാഭ്യാസ സ്ഥാപനങ്ങൾ തുറന്ന് പ്രവർത്തിക്കും. നിപ വൈറസ് ഭീഷണി കുറഞ്ഞ സാഹചര്യത്തിലാണ് തീരുമാനം. തുടർച്ചയായി 9-ാം ദിവസവും ജില്ലയിൽ പുതിയ നിപ കേസുകൾ രജിസ്റ്റർ ചെയ്തിട്ടില്ല. സുരക്ഷാ മാനദണ്ഡങ്ങൾ പാലിച്ചുകൊണ്ട് വേണം സ്കൂളുകൾ തുറന്ന് പ്രവർത്തിക്കാന് ജില്ലാ കളക്ടർ അനുമതി നൽകിയത്. കണ്ടെയിന്മെന്റ് സോണുകളിലെ ഒഴികെയുള്ള സ്കൂളുകളാണ് നാളെ തുറക്കുക.
മാത്രമല്ല വിദ്യാർത്ഥികളും അധ്യാപകരും മറ്റ് ജീവനക്കാരും മാസ്കും സാനിറ്റൈസറും നിർബന്ധമായും ഉപയോഗിക്കാനും നിർദേശമുണ്ട്. വിദ്യാലയങ്ങളുടെ പ്രവേശന കവാടത്തിലും ക്ളാസ് റൂമുകളിലും സാനിറ്റൈസര് വയ്ക്കണം.
