കാട്ടാക്കട: കാട്ടാക്കട കണ്ടലയിൽ വയോധികനെ വീടിനുള്ളിൽ മരിച്ച നിലയിൽ കണ്ടെത്തി. കണ്ടല അത്തം വീട്ടിൽ ഹരികൃഷ്ണൻ (60) ആണ് മരിച്ചത്. ഭാര്യയും മക്കളുമായി വർഷങ്ങളായി അകന്നു കഴിയുന്ന വ്യക്തയാണ് ഇയാൾ. കഴിഞ്ഞ അഞ്ചു വർഷത്തോളം ആയി ഇയാൾ നാട്ടുകാരുമായി വലിയ സമ്പർക്കം ഇല്ല.
അതെ സമയം കഴിഞ്ഞ ദിവസങ്ങളിൽ ഇയാളെ വീടിന് പുറത്ത് കാണാതിരിക്കുകയും വീട് അകത്തു നിന്നും പൂട്ടി കിടക്കുകയും ഉള്ളിൽ ലൈറ്റ് കിടക്കുന്നത് ശ്രദ്ധയിൽപ്പെടുകയും ചെയ്തു. ഇതേ തുടർന്ന് സമീപവാസി നടത്തിയ അന്വേഷണത്തിൽ വീട്ടിൽ നിന്ന് ദുർഗന്ധം വമിക്കുന്നത് മനസിലാക്കി വാർഡ് അംഗത്തെ ഇവർ വിവരം അറിയിച്ചു.
ഇദ്ദേഹവും വാർഡ്അംഗവും എത്തി സ്ഥിതിഗതികൾ വിലയിരുത്തി മാറനല്ലൂർ പോലീസിനെ വിവരമറിയിക്കുകയും ചെയ്തു. തുടർന്ന് പോലീസ് സ്ഥലത്തെത്തി ഹരി കൃഷ്ണൻ്റെ ദിവസങ്ങൾ കഴിഞ്ഞ മൃതദേഹം കണ്ടെത്തുകയും ചെയ്തു.തുടർന്ന് ബന്ധു വഴി ചെന്നൈയിൽ ഉള്ള ഭാര്യയെയും മകളെയും അറിയിച്ചു. പൊലിസ് തുടർ നടപടികളുമായി മുന്നോട്ട് പോകുകയാണ്.
