കാട്ടാക്കട: തിരുവനന്തപുരം കാട്ടാക്കടയിൽ വിദ്യാർഥിയെ കാണാതായി. കത്ത് എഴുതിവെച്ചശേഷം വീട് വീട്ടിറങ്ങിയ പതിമൂന്നുകാരനെയാണ് പുലർച്ചെ മുതൽ കാണാതായത്. കാട്ടാക്കട ആനകോട് അനിശ്രീയിൽ(കൊട്ടാരം വീട്ടിൽ) അനിൽകുമാറിൻ്റെ മകൻ ഗോവിന്ദൻ (13) നെയാണ് കാണാതായത്.
പുലർച്ചെ ആണ് കാണാതായത്. പട്ടകുളം പ്രദേശത്തെ സിസിടിവിയിൽ കുട്ടി കുടയും ചൂടി നടന്നു പോകുന്നത് ദൃശ്യങ്ങളിൽ ഉണ്ട്. പാൻ്റ്‌സും ഷർട്ടും ആണ് വേഷം. പുലർച്ചെ 5 30 നുള്ള ദൃശ്യങ്ങൾ ആണിത്. കള്ളിക്കാട് ചിന്തലയ സ്കൂളിൽ എട്ടാം ക്ലാസിൽ ആണ് കുട്ടി പഠിക്കുന്നത്.
8 എ യിലെ സുഹൃത്തിന് കളർ പെനിസിലുകൾ നൽകണമെന്നും ഞാൻ പോകുന്നുവെന്നുമാണ് കത്തിൽ എഴുതിയിരിക്കുന്നത്. മാതാപിതാക്കൾ കാട്ടാക്കട പൊലീസിൽ പരാതി നൽകി.പരാതിയുടെ അടിസ്ഥാനത്തിൽ കാട്ടാക്കട പോലീസ് അന്വേഷണം ആരംഭിച്ചു.
