കഴക്കൂട്ടം: വാഹനാപകടത്തിൽ പരിക്കേറ്റ് ചികിത്സയിൽ കഴിഞ്ഞ യുവാവ് മരിച്ചു. വെട്ടുതുറ ചിന്നു ഹൗസിൽ ഗാർവിൻ ഗബ്രിയേൽ (35) ആണ് മരിച്ചത്. സംസ്കാരം വെട്ടുതുറ സെൻ്റ് സബാസ്റ്റ്യൻ പള്ളിയിൽ നടന്നു.കഴിഞ്ഞ ബുധനാഴ്ച ആയിരുന്നു അപകടം. വെൽഡിങ് തൊഴിലാളിയായ ഗാർവിൻ ജോലി കഴിഞ്ഞ് ബൈക്കിൽവീട്ടിലേയ്ക്കു പോകുമ്പോൾ രാത്രി 9 മണിയോടെ പുത്തൻതോപ്പിൽ വച്ചാണ് അപകടം നടന്നത്.
മത്സ്യം കയറ്റി അമിത വേഗത്തിൽ പോയ വാഹനം കണ്ട് ബൈക്ക് വെട്ടി ഒഴിക്കുമ്പോൾ നിയന്ത്രണം വിട്ട് മറിഞ്ഞാണ് അപകടം. മെഡിക്കൽ കോളജിൽ ചികിത്സയിൽ ഇരിക്കെ മരിച്ചു. കഠിനംകുളം പഞ്ചായത്ത് മുൻ അംഗം റാഫേലിൻ്റെയും ട്രീസയുടെയും മകൻ ആണ്. ഭാര്യ: റീജ. മക്കൾ: റോസ, അൻ സ്റ്റിഫാന .
