തിരുവനന്തപുരം: സിനിമ– സീരിയൽ നടി രഞ്ജുഷ മേനോൻ ആത്മഹത്യ ചെയ്ത നിലയിൽ. 35 വയസായിരുന്നു. വീടിനുള്ളിൽ തൂങ്ങി മരിച്ച നിലയിലാണ് താരത്തെ കണ്ടെത്തിയത്. തിരുവനന്തപുരം ശ്രീകാര്യത്തെ ഫ്ളാറ്റിലാണ് മൃതദേഹം കണ്ടെത്തിയത്. നിരവധി സിനിമകളിലും സീരിയലുകളിലും അഭിനയിച്ചിട്ടുണ്ട്.
സിറ്റി ഓഫ് ഗോഡ്, മേരിക്കുണ്ടൊരു കുഞ്ഞാട് തുടങ്ങിയ സിനിമകളിൽ വേഷമിട്ടിട്ടുണ്ട്. ഭർത്താവുമൊത്ത് ഫ്ലാറ്റിൽ വാടകയ്ക്ക് താമസിച്ചു വരികയായിരുന്നു.ആനന്ദരാഗം,വരന് ഡോക്ടറാണ്, എന്റെ മാതാവ് തുടങ്ങിയ സീരിയലുകളില് അഭിനയിച്ചു കൊണ്ടിരിക്കുകയായിരുന്നു.
ആത്മഹത്യയുടെ കാരണം ഉള്പ്പെടേയുള്ള വിവരങ്ങള് അന്വേഷിച്ച് വരികയാണ്. പൊലീസ് സ്ഥലത്ത് എത്തി ഇന്ക്വസ്റ്റ് നടപടികള് ആരംഭിച്ചു.
