പെരുമാതുറ: ഫുട്ബാൾ കളിക്കിടയിൽ തർക്കം. 15 കാരൻ 16 കാരനെ കുപ്പി പൊട്ടിച്ചു കുത്തി. കഴുത്തിനു മുൻപിലും പിന്നിലും കുത്തേറ്റ 16 കാരൻ മെഡിക്കൽ കോളജ് ആശുപത്രിയിലെ തീവ്ര പരിചരണ വിഭാഗത്തിൽ ചികിത്സയിൽ. പെരുമാതുറ മുതലപ്പൊഴി കടപ്പുറത്ത വച്ചാണ് സംഭവം.
വീടിനു എതിർ വശത്തെ കടപ്പുറത്ത് ഇന്നലെ വൈകുന്നേരം ഫുട് ബാൾ കളിക്കുമ്പോൾ ഇരു വരും തമ്മിൽ തർക്കവും അടിപിടിയും നടന്നു. അതിനിടയിൽ 15കാരൻ സമീപത്തു കിടന്ന കുപ്പി പൊട്ടിച്ച് 16 കാരനെ രണ്ടു തവണ കഴുത്തിൽ കുത്തി.
മുൻഭാഗത്തും പിൻഭാഗത്തും കുത്തേറ്റ 16 കാരൻ വീട്ടിലേയ്ക്ക് ഓടിക്കയറി. വീട്ടുകാർ ചിറയിൻകീഴ് താലൂക്ക് ആശുപത്രിയിൽ എത്തിച്ചെങ്കിലും പരുക്ക് ഗുരുതമയായതിനാൽ മെഡിക്കൽ കോളജ് ആശുപത്രിയിലേയ്ക്ക് അയച്ചു. കുട്ടിയെ തീവ്ര പരിചരണ വിഭാഗത്തിൽ പ്രവേശിപ്പിച്ചിട്ടുണ്ട്. 16 കാരനെ കുത്തിയ സമീപവാസിയായ യുവാവ് സംഭവത്തിനു ശേഷം ഒളിവിൽ പോയതായി കഠിനംകുളം പൊലീസ് പറയുന്നു.
