കോഴിക്കോട്: വൻതോതിൽ എം ഡി എം എയുമായി യുവാവ് അറസ്റ്റിൽ. കോഴിക്കോട് സ്വദേശി ശ്രീജീഷ്.കെ (വയസ്സ് 47 / 23)യാണ് അറസ്റ്റിലായത്. എക്സൈസ് സർക്കിൾ ഇൻസ്പെക്ടർ സജിത്ത് ചന്ദ്രന്റെ നേതൃത്വത്തിൽ കാട്ടിക്കുളം ഭാഗത്ത് വച്ച്നടത്തിയ വാഹന പരിശോധനയ്ക്കിടെയാണ് എം ഡി എം എ യുമായി ഇയാളെ പിടികൂടിയത്. കർണാടക ഭാഗത്തുനിന്ന് വന്ന കർണാടക കെഎസ്ആർടിസി ബസ്സിലെ യാത്രക്കാരനായിരുന്നു ഇയാൾ.
കോഴിക്കോട് ചില്ലറ വില്പനയ്ക്കായി കൊണ്ടുപോയ 50 ഗ്രാം എംഡിഎംഎ ആണ് എക്സൈസ് കണ്ടെത്തിയത്. എക്സൈസ് പാർട്ടിയിൽ പ്രിവന്റീവ് ഓഫീസർമാരായ ജോണി. കെ , ജിനോഷ് പി.ആർ, സിവിൽ എക്സൈസ് ഓഫീസർമാരായ സനുപ് കെ.എസ്, എക്സൈസ് ഡ്രൈവർ സജീവ് കെ.കെ എന്നിവർ പങ്കെടുത്തു. പ്രതിയെ റിമാൻഡ് ചെയ്തു.
