തിരുവനന്തപുരം: കുളത്തൂർ മൺവിളയിൽ സിപിഎം പ്രവർത്തകനെ വെട്ടിക്കൊലപ്പെടുത്തിയ കേസിലെ രണ്ടാം പ്രതി രാജേന്ദ്ര ബാബു പിടിയിൽ. 12 വർഷമായി പ്രതി ഒളിവിൽ കഴിയുകയായിരുന്നു. 2006 ലാണ് കൊലപാതകം നടന്നത്.
ആന്ധ്രാ പ്രദേശ്, തമിഴ്നാട്, തുടങ്ങി ഇന്ത്യയിലെ വിവിധ സംസ്ഥാനങ്ങളിൽ പല ജോലികൾ ചെയ്താണ് ഇയാൾ കഴിഞ്ഞ 12 വർഷം കഴിഞ്ഞിരുന്നത്. നിലവിൽ ഇടുക്കിയിലെ ഒരു എസ്റ്റേറ്റിൽ മാനേജറായി ജോലി ചെയ്യവെയാണ് പിടിയിലായത്.
രണ്ടാം പ്രതിയായ രാജേന്ദ്ര ബാബുവിനെ ഇടുക്കി പാമ്പാടുംപാറയിൽ നിന്നാണ് പിടികൂടിയത്. തുമ്പ എസ് എച്ച് ഒ ശിവകുമാറിന്റെ നേതൃത്വത്തിൽ എസ് സി പി ഒ സജാദ് ഖാൻ സി പി ഒമാരായ അൻസിൽ, അരുൺ എന്നിവർ ചേർന്നാണ് പ്രതിയെ അറസ്റ്റ് ചെയ്തത്. പ്രതിയെ കോടതിയിൽ ഹാജരാക്കി റിമാൻഡ് ചെയ്തു
