തിരുവനന്തപുരം: ജസ്റ്റിസ് ഡി ശ്രീദേവി സ്മാരക അധ്യാപക പുരസ്കാരത്തിന് കഴക്കൂട്ടം ഗവ .എച്ച്. എസ് എസ് ലെ ഹിന്ദി അധ്യാപകനായ കെ.രാജേന്ദ്രൻ അർഹനായി. തിരുവനന്തപുരം പ്രസ്ക്ലബിൽ നടന്ന ചടങ്ങിൽ പ്രശസ്ത ഗായകൻ പന്തളം ബാലൻ അവാർഡ് വിതരണം ചെയ്തു. അധ്യാപനവും പാഠ്യേതര പ്രവർത്തനങ്ങളുടെ മികവ് മുൻനിർത്തിയാണ് അദ്ദേഹത്തിന് ഈ അവാർഡ് നൽകിയത്.
കോവിഡ് കാലത്ത് കൈറ്റ് വിക്ടേഴ്സ് ചാനലിലെ ഇദ്ദേഹത്തിൻ്റെ ക്ലാസ്സുകൾ ദേശീയ മാധ്യമങ്ങളിൽ ഇടം പിടിച്ചിരുന്നു. നിരവധി ജില്ലാ സംസ്ഥാന പുരസ്കാരങ്ങൾ നേടിയിട്ടുണ്ട്. തിരുവനന്തപുരം പ്രസ് ക്ലബ്ബിൽ നടന്ന ചടങ്ങിൽ മുഖ്യമന്ത്രിയുടെ അഡീഷനൽ പ്രൈവറ്റ് സെക്രട്ടറി രതീഷ് കാളിയാടൻ , സി ഡബ്ലു സി ചെയർപേഴ്സൺ ഷാനിഫബീഗം, കാര്യവട്ടം ശ്രീകണ്ഠൻ, പിരപ്പൻകോട് ശ്യാം, സംസ്ഥാന ലഹരി വർജ്ജന സമിതി സെക്രട്ടറി റസ്സൽ സബർമതി. തുടങ്ങിയ നിരവധി പ്രമുഖർ പങ്കെടുത്തു.
