തിരുവനന്തപുരം: കാട്ടാക്കടയിൽ ആര്എസ്എസ് പ്രവർത്തകൻ വിഷ്ണുവിനെ ആക്രമിച്ച കേസിൽ മൂന്ന് പേർ കസ്റ്റഡിയിൽ. മുഖ്യപ്രതിയെന്ന് സംശയിക്കുന്ന ആൾ ഉൾപ്പെടെയുള്ളവരാണ് പിടിയിലായത്.
ആക്രമണത്തിന് പിന്നിൽ രാഷ്ട്രീയ വൈരാഗ്യമല്ലെന്നാണ് കാട്ടാക്കട പൊലീസ്പ പറയുന്നത്. ഇന്നലെ രാത്രിയാണ് സംഭവം നടന്നത്. അമ്പലത്തിൻകാലയിലെ കാഞ്ഞിരംവിള ശക്തി വിനായക ക്ഷേത്രത്തിലെ ഉത്സവ പരിപാടിക്കിടെയാണ് അക്രമം ഉണ്ടായത്.
സ്വകാര്യ ആശുപത്രിയിൽ ചികിത്സയിൽ കഴിയുകയാണ് വിഷ്ണു. ഗുരുതരമായി പരിക്കേറ്റ വിഷ്ണുവിനെ തലയിലും നെറ്റിയിലും വാരിയെല്ലിന്റെ ഭാഗത്തും ഗുരുതരമായി പരിക്കേറ്റിരുന്നു. തുടർന്ന് അടിയന്തിര ശസ്ത്രക്രിയക്ക് വിധേയനാക്കി.
ക്ഷേത്രത്തിലെ ഉത്സവം കാണാനെത്തിയതായിരുന്നു തലക്കോണം സ്വദേശി വിഷ്ണു. ബൈക്കിൽ കയറുന്നതിനിടെ വിഷ്ണുവിനെ ചവിട്ടി വീഴ്ത്തുകയായിരുന്നു. തുടർന്ന് അഞ്ചംഗ സംഘം വിഷ്ണുവിനെ ആക്രമിക്കുകയായിരുന്നു.
ടൈൽസിൻ്റെ കൂർത്ത ഭാഗം കൊണ്ട് കുത്തുകയായിരുന്നു. അമ്പലത്തിൻകാലയിൽ ആര്എസ്എസ് പ്ലാവൂര് മണ്ഡലം കാര്യവാഹാണ് വിഷ്ണു. സ്ഥലത്ത് പൊലീസ് സുരക്ഷ കര്ശനമാക്കിയിട്ടുണ്ട്.
