കഴക്കൂട്ടം: സുഹൃത്തിന്റെ സംസ്‌കാര ചടങ്ങില്‍ പങ്കെടുത്ത് മടങ്ങവേ ബൈക്കപകടത്തില്‍ പരിക്കേറ്റ് ചികിത്സയിലായിരുന്നയാള്‍ മരണമടഞ്ഞു. അയിരൂപ്പാറ ശാന്തിപുരം എ കെ ജി നഗര്‍ ശിവ തീര്‍ത്ഥത്തില്‍ സി ജയശീലന്‍ (50) ആണ് മരണമടഞ്ഞത് കഴിഞ്ഞ ചൊവ്വാഴ്ച രാത്രി 11 മണിയോടെ (28/6/ 22 )ചേങ്കോട്ട്‌കോണം ഗവ. എല്‍ പി എസിന് സമീപമാണ് അപകടം. സുഹൃത്തിന്റെ സംസ്‌കാര ചടങ്ങുകളില്‍ പങ്കെടുത്ത് കാര്യവട്ടത്തു നിന്നും അയിരൂപ്പാറയിലെ വീട്ടിലേയ്ക്ക് മടങ്ങവെയാണ് അപകടം നടന്നത്.
തുടര്‍ന്ന് നാട്ടുകാര്‍ സ്വകാര്യ ആശുപത്രിയില്‍ എത്തിച്ചുവെങ്കിലും ഇന്ന് പുലര്‍ച്ചെ മസ്തിഷ്‌ക മരണം സംഭവിയ്ക്കുകയായിരുന്നു. ടെക്‌നോപാര്‍ക്ക് യൂണിറ്റിലെ എഐടിയുസി ചുമട്ടുതൊഴിലാളിയാണ്. ഭാര്യ: എസ് ബിന്ദു, മക്കള്‍: ജെ ശ്യാം, ജെ ഐശ്വര്യ. മരുമക്കള്‍: എ ആര്‍ ആര്യ, കെ പ്രശാന്ത്. സഞ്ചയനം: ഞായര്‍ രാവിലെ 8.30 ന്.
