ലഖ്നൗ: ഉത്തര്പ്രദേശില് ക്ഷേത്രത്തിനുള്ളില് ഉറങ്ങിക്കിടക്കുകയായിരുന്ന യുവാവിനെ കഴുത്തറുത്ത് കൊല്ലപ്പെട്ട നിലയില് കണ്ടെത്തി. അയോധ്യയിലാണ് സംഭവം. അമേഠി സ്വദേശിയായ പങ്കജ് ശുക്ല(35)യാണ് മരിച്ചത്.
ബന്ധുക്കള്തന്നെയാണ് ശുക്ലയെ കൊലപ്പെടുത്തിയതെന്നാണ് വിവരം. ബന്ധുക്കളുമായി ഇയാള് നേരത്തെ തര്ക്കത്തിലായിരുന്നുവെന്ന് പൊലീസ് പറയുന്നു. പുലര്ച്ചെ ആറ് മണിയോടെയാണ് ക്ഷേത്രത്തിനുള്ളില് മൃതദേഹം കണ്ടെത്തിയതെന്ന് പൊലീസ് പറഞ്ഞു. ശുക്ല രണ്ട് മാസമായി ക്ഷേത്രത്തിലാണ് താമസിച്ചിരുന്നതെന്നും പോസ്റ്റ്മോര്ട്ടത്തിനായി മൃതദേഹം അയച്ചതായും പൊലീസ് പറഞ്ഞു. സംഭവത്തില് ഇയാളുടെ ബന്ധു ഗുല്ലു മിശ്രയെ അറസ്റ്റ് ചെയ്തു.
