ആറ് ദിവസങ്ങൾ നീണ്ട ഹജ്ജ് കർമങ്ങൾ ഇന്ന് അവസാനിക്കും. ഇന്ന് ഉച്ചക്ക് ശേഷം ജംറയിൽ നടക്കുന്ന കല്ലേറ് കർമം നിർവഹിച്ചാണ് വിശുദ്ധ ആത്മീയ കർമങ്ങൾക്ക് തിരശീല വീഴുന്നത്. തീർഥാടകാരിൽ പകുതിയോളം ആളുകളും ഇന്നലെ തന്നെ സ്വന്തം നാടുകളിലേക്ക് തിരിച്ചു.
ഇന്ത്യയിൽ നിന്നും ഉള്ള തീർഥാടകരിൽ പകുതിയോളവും കല്ലേറ് കർമങ്ങൾക്ക് ശേഷമാണു മിനായിൽ ഇന്നും വിടപറയുക. വിടവാങ്ങൽ ത്വവാഫിന്റെ തിരക്കിലാണ് ഇപ്പോൾ തീർഥാടകർ. ഇന്ത്യയിൽ നിന്നെത്തിയ തീർഥാടകർ അധികവും ജൂലൈ 15 നാണ് നാട്ടിലേക്ക് മടങ്ങുക. ആദ്യ ദിവസം നാല് വിമാനങ്ങളാണ് ഉണ്ടാവുക.
