തിരുവനന്തപുരം : സഹോദരനും പിതാവിനും വെട്ടേറ്റു. പെരുമാതുറ പണ്ടകശാലയിൽ താമസിക്കുന്ന വിഴിഞ്ഞം ടൗൺഷിപ്പ് സ്വദേശികയായ 29 വയസ്സുകാരൻ സിദ്ധീഖിനെയും പിതാവ് അബ്ദുൽ റഷീദിനെയുമാണ് വെട്ടി പരിക്കേൽപ്പിച്ചത്. സഹോദരൻ 38കാരനായ നവാസ് പോലീസ് കസ്റ്റഡിയിൽ
ഇന്ന് രാവിലെയോടെയാണ് സംഭവം. വാക്കുതർക്കത്തിനിടെ സഹോദരനായ സിദ്ധീഖിൻ്റെ തലയിലും കഴുത്തിലും കൈയിലും നവാസ് വെട്ടുകയായിരുന്നു. പിടിച്ച് മാറ്റാൻ ശ്രമിക്കവെ പിതാവ് അബ്ദുൽ റഷീദിനും വെട്ടേറ്റു. സാരമായി പരിക്കേറ്റ ഇരുവരെയും തിരുവനന്തപുരം മെഡിക്കൽ കോളേജ് ആശുപത്രിലേക്ക് മാറ്റി. നവാസിനെ കഠിനംകുളം പോലീസ് കസ്റ്റഡിയിലെടുത്തു. ഇവരും ലഹരിക്ക് അടിമകളാണെന്ന് പോലീസ് പറഞ്ഞു.
വിഴിഞ്ഞം ടൗൺ ടിഷ് സ്വദേശികളായ ഇവർ കഴിഞ്ഞ 6 മാസമായി പെരുമാതുറയിൽ വാടകക്ക് താമസിച്ച് വരുകയായിരുന്നു. മത്സ്യതൊഴിലാളികളാണ് ഇരുവരും. പോലീസ് കേസെടുത്ത് അന്വേഷണം ആരംഭിച്ചു.
