തിരുവനന്തപുരം : തമിഴ്‌നാട് കുളച്ചൽ കടൽത്തീരത്ത് യുവാവിന്റെ മൃതദേഹം കണ്ടെത്തി. കണ്ടെത്തിയത് ആഴിമലയിൽ നിന്നും കാണാതായ കിരണിന്റെ മൃതദേഹമാണോ എന്ന് പരിശോധിച്ച് വരികയാണിപ്പോൾ. വിശദ പരിശോധനക്കായി വിഴിഞ്ഞം പോലീസ് കുളച്ചലിലേക്ക് പോയിട്ടുണ്ട്. ശനിയാഴ്ച ഉച്ചക്ക് ഒന്നരക്ക് ശേഷമാണ് കിരണിനെ കാണാതായത്.
ഫേസ്ബുക്ക് വഴി പരിചയപ്പെട്ട പെൺകുട്ടിയെ കാണാനായി കിരൺ സുഹൃത്തുക്കളുമായി പോയിരുന്നു. എന്നാൽ വീടിനു മുന്നിൽവെച്ച് പെൺകുട്ടിയുടെ സഹോദരൻ ഉളപ്പടെയുള്ളവർ കിരണിനെ മർദിച്ചെന്നും തട്ടിക്കൊണ്ടുപോയെന്നുമാണ് യുവാക്കൾ പോലീസിൽ നൽകിയ മൊഴി.
