ന്യൂഡൽഹി: പാലത്തിന് മുകളിൽ നിന്ന് കുത്തിയൊലിക്കുന്ന പുഴയിലേക്ക് എടുത്തുചാടി യുവാവ്. കാണാതായ യുവാവിനുവേണ്ടി തിരച്ചിൽ തുടരുന്നുണ്ടെങ്കിലും ഇതുവരെ വിവരമൊന്നും ലഭിച്ചില്ല. മഹാരാഷ്ട്രയിലെ
മലേഗാവിലാണ് സംഭവം. ഇയാൾ പാലത്തിൽനിന്ന് പുഴിയിലേക്ക് ചാടുന്നതിൻറെ ദൃശ്യങ്ങൾ പുറത്തുവന്നിട്ടുണ്ട്.
നയീം അമീൻ എന്ന 23 വയസ്സുകാരനാണ് സരായിഗട്ടിലെ പാലത്തിന് മുകളിൽ നിന്ന് ഗിർണ പുഴയിലേക്ക് ചാടിയത്. കനത്ത മഴയെ തുടർന്ന് വെള്ളം കരകവിഞ്ഞ് കുത്തിയൊലിച്ച് പോവുന്ന പുഴയിലേക്കാണ് യുവാവ് ചാടിയത്. പാലത്തിൽനിന്ന മറ്റൊരാളാണ് ഈ ദൃശ്യം ഫോണിൽ പകർത്തിയത്.
യുവാവ് സ്കൂട്ടറിലാണ് പാലത്തിൽ എത്തിയത്. മൊബൈൽ ഫോണും ചെരിപ്പും സ്കൂട്ടറിന്റെ സമീപം അഴിച്ചുവെച്ചതിന് ശേഷമാണ് പുഴയിലേക്ക് ചാടിയത്. സംഭവത്തെ തുടർന്ന് യുവാവിന് വേണ്ടിയുള്ള തിരച്ചിൽ ആരംഭിച്ചിരുന്നെങ്കിലും ഇതുവരെ കണ്ടെത്താനായിട്ടില്ല.
