കഴക്കൂട്ടം : സ്പെഷ്യൽ ബ്രാഞ്ച് ഉദ്യോഗസ്ഥന് നേരെ സസ്പെൻഷനിലായ എ എസ് ഐയുടെ വധഭീഷണി. മംഗലപുരം സ്റ്റേഷനിൽ സസ്പെൻഷനിലായ എ എസ് ഐ ജയനാണ് മംഗലപുരം പോലീസ് സ്റ്റേഷനിലെ സ്പെഷ്യൽ ബ്രാഞ്ച് എസ് ഐ എം. സാജിദിനെ വധിക്കുമെന്ന് ഭീഷണിപ്പെടുത്തുകയും തെറി വിളിക്കുകയും ചെയ്തത്.
സ്പെഷ്യൽ ബ്രാഞ്ച് നൽകിയ റിപ്പോർട്ടിന്റെ അടിസ്ഥാനത്തിലാണ് തന്നെ സസ്പെൻഡ് ചെയ്തതെന്നും പറഞ്ഞ് കൊണ്ടാണ് ജയൻ വധഭീഷണി മുഴക്കിയത്. ഫോണിൽ വിളിച്ചായിരുന്നു വധഭീഷണി മുഴക്കിയത്. വധഭീഷണിക്കെതിരെ സ്പെഷ്യൽ ബ്രാഞ്ച് എസ് ഐ കഴക്കൂട്ടം പോലീസിൽ പരാതി നൽകി. പരാതിയുടെ അടിസ്ഥാനത്തിൽ സാജിദിന്റെ മൊഴി രേഖപ്പെടുത്തി കഴക്കൂട്ടം പോലീസ് കേസ് രജിസ്റ്റർ ചെയ്തു. നേരത്തെ രണ്ട് ക്രിമിനൽ കേസുകളിൽ ജയിൽവാസം അനുഭവിച്ച ആളാണ് എ എസ് ഐ ജയൻ .
