കീഴാറൂർ: സ്കൂൾ ബസ് പിന്നോട്ടെടുക്കവേ രണ്ടര വയസ്സുകാരൻ മരിച്ചു. കീഴാറൂർ കുറ്റിയാണികാട് അനീഷ് ഭവനിൽ അനീഷ് അശ്വതി ചന്ദ്രൻ ദമ്പതികളുടെ രണ്ടാമത്തെ മകൻ വിഘ്നേഷ് ആണ് മരിച്ചത്. സരസ്വതി വിദ്യാലയത്തിൽ പഠിക്കുന്ന മൂന്നാം ക്ലാസ് വിദ്യാർത്ഥി വിനായകനെ വൈകുന്നേരം സ്കൂൾ ബസ് വീട്ടിൽ എത്തിക്കാൻ വന്നപ്പോൾ ആണ് അപകടം ഉണ്ടായത്.
വിനായകനെ വിളിക്കാനായി അമ്മ വീടിനു പുറത്ത് വന്ന സമയം പിന്നാലെ വിഘ്നേഷ് എത്തിയത് അറിഞ്ഞിരുന്നില്ല.വിനായനെ വിളിക്കുന്നതിനിടെ വിഘ്നേഷ് ബസിന് പിന്നിൽ എത്തുകയും ഈ സമയം വിഘ്നേഷ് പിന്നിൽ ഉള്ളത് അറിയാതെ ബസ് പിന്നോട്ട് എടുക്കുകയും വിഘ്നേഷ് ബസിനടിയിൽ പെടുകയുമായിരുന്നു.
