ഭോപാൽ: ചരിത്രതാളുകളിൽ രേഖപ്പെടുത്തുന്ന വിജയാരവങ്ങൾക്കിടയിലും ഭാരതമണ്ണിൽ അതിക്രൂരമായ കുറ്റകൃത്യങ്ങൾക്കും കൊലപാതകങ്ങൾക്കും അറുതി വരുന്നില്ല. ലൈംഗികാതിക്രമ പരാതി നൽകിയതിന്റെ പേരിൽ പെൺകുട്ടിയുടെ സഹോദരനെ ആൾക്കൂട്ടം മർദിച്ചു കൊന്നു.മധ്യപ്രദേശിലെ സാഗർ ജില്ലയിലായിരുന്നു നടുക്കുന്ന ഈ ആക്രമണം.
ലൈംഗികാതിക്രമ പരാതി നൽകിയ പെൺകുട്ടിയുടെ സഹോദരനെയാണ് ആൾക്കൂട്ടം മർദിച്ചു കൊലപ്പെടുത്തിയത്.പെൺകുട്ടിയേയും അക്രമിസംഘം മർദ്ദിച്ചു.ഇവരുടെ അമ്മയെയും വിവസ്ത്രയാക്കി.
4 പേർ ഭീഷണിപ്പെടുത്തുകയും മർദിക്കുകയും ചെയ്തെന്നുകാട്ടി 2019ൽ പെൺകുട്ടി നൽകിയ പരാതിയുടെ പേരിലാണ് ഈ ക്രൂരകൃത്യങ്ങൾ നടത്തിയതെന്ന് പോലീസ് പറഞ്ഞു.കേസിലെ നാലു പ്രതികളെയും അറസ്റ്റ് ചെയ്തു. ഈ കേസ് കോടതിയിലാണ്. ആൾക്കൂട്ട ആക്രമണത്തിൽ 9 പേർക്കെതിരെ കൊലക്കക്കുറ്റത്തിനു കേസെടുത്തു. പട്ടികജാതി – പട്ടികവർഗ നിയമങ്ങൾ പ്രകാരവും കേസുണ്ട്.
