കോട്ടയം: കോട്ടയം രാമപുരം സ്വദേശിയായ പിതാവ് മൂന്നു പെണ്മക്കളുടെ കഴുത്തറുത്ത് ആത്മഹത്യ ചെയ്തു.രാമപുരം ചേറ്റുകുളം സ്വദേശിയായ ജോമോനാണ് തന്റെ മക്കളോട് ഈ കൊടും ക്രൂരത കാണിച്ചത്.
ഭാര്യ ഉപേക്ഷിച്ചു പോയ ശേഷം ഒന്നര വർഷമായി ജോമോനും മക്കളും ഒരുമിച്ചാണ് താമസം. ഇയാൾ സ്ഥിരമായി മദ്യപിക്കുന്ന ഒരാളാണെന്നാണ് നാട്ടുകാരും സമീപവാസികളും പറയുന്നത്.
7, 10, 13 വയസ്സുള്ള പെണ്മക്കളോടാണ് ജോമോൻ ഈ ക്രൂരകൃത്യം ചെയ്തത്. ഇതിൽ ഏഴുവയസ്സുകാരിയുടെ സ്ഥിതി അതീവ ഗുരുതരമാണ്. കുട്ടികൾ കോട്ടയം മെഡിക്കൽ കോളേജിലാണ് ചികിത്സയിയിലുള്ളത്.
