കഴക്കുട്ടം: മത്സ്യ പിടിയ്ക്കാൻ ഇട്ടിരുന്ന വല വലിച്ചുകയറ്റവേ കാൽ വഴുതി കുളത്തിൽ വീണ് പ്ളംബിംഗ് തൊഴിലാളി മരിച്ചു. ചന്തവിള ഉതിയറമൂലയിൽ വാടകയ്ക്ക് താമസിയ്ക്കുന്ന തിരുവല്ലം ഇടയാറിൽ പടിഞ്ഞാറേ പടിയുംമൂട്ടിൽ ബി.ബിജു (44) ആണ് മരിച്ചത്. ഇന്ന് ഉച്ചയ്ക്ക് 12.30 ന് ചന്തവിള ഉദിയറമൂല അമ്പത്തീരടി ഇലങ്കം ക്ഷേത്രത്തിന് സമീപമുള്ള നഗരസഭയുടെ കുളത്തിൽ വീണാണ് മരിച്ചത്. ആശുപത്രിയിൽ എത്തിച്ചുവെങ്കിലും ജീവൻ രക്ഷിക്കാനായില്ല. ചന്ദ്രികയുടെയും പരേതനായ ബാബുവിന്റെയും മകനാണ്. സഹോദരങ്ങൾ ജയശ്രീ , സുജു .
