കഴക്കൂട്ടം: കറുത്ത കണ്ണടയും ചൂടി ആത്മാർത്ഥതോടെ ട്രാഫിക് ഡ്യൂട്ടി നോക്കിയിരുന്ന ദിലീപികുമാർ ഓർമ്മയായി. ശ്രീകാര്യത്തിനും മംഗലപുരത്തിനും ഇടയ്ക്കുള്ള പ്രധാന ജംഗ്ഷനുകളിൽ വർഷങ്ങളോളം ട്രാഫിക്ക് ഡ്യൂട്ടി നോക്കിയിരുന്ന റിട്ടേർഡ് സൈനിക ഉദ്യോഗസ്ഥനായ ദിലീപിനെ വാഹനയാത്രകാരായവ‌ർക്ക് സുപരിചിതനാണ്. തോന്നയ്ക്കലിനടുത്ത് ചെമ്പകമംഗലം വൈ.എം. എം ജംക് ഷനിൽ ശ്രീപത്മത്തിൽ വീട്ടിൽ താമസിക്കുന്ന റിട്ട. സൈനിക ഉദ്യോഗസ്ഥനായ ദിലീപ് കുമാർ (55) പത്താം തീയതി രാവിലെ 10ഓടെ കാര്യവട്ടം ഗവ. എൽ.പി എസിനടുത്തുണ്ടായ വാഹനപകടത്തിൽ ഗുരുതരമായി പരിക്കേറ്റ് മെഡിക്കൽകോളേജ് ആശുപത്രിയിൽ ചികിത്സിയിലിരിക്കവെയാണ് മരിച്ചത്.
ശ്രീകാര്യത്ത് ട്രാഫിക് ഡ്യൂട്ടി ചെയ്യുന്ന ദിലീപ് കുമാർ പട്ടത്തെ ട്രാഫിക് സ്റ്റേഷനിലേയ്ക്കു പോകുമ്പോഴാണ് ദിലീപ് സഞ്ചരിച്ച ബൈക്കിൽ കാറിടിച്ച് ഇടിച്ചാണ് അപകടം. തലയ്ക്ക് ഗുരുതരമായി പരുക്കേറ്റ ദിലീപ് അരമണിക്കൂറോളം റോഡിൽ കിടക്കുകയും കഴക്കൂട്ടം പൊലീസ് എത്തിയാണ് ആശുപത്രിയിലേക്ക് മാറ്റിയത്. മെഡിക്കൽ കോളജ് ആശുപത്രിയിൽ ചികിത്സയിൽ കഴിയവേയാണ് മരിച്ചത്.
ഇടിച്ച കാർ നിർത്താതെ പോകുകയും പിന്നീട് ട്രാഫിക്ക് പൊലീസിന്റെ സഹായത്തോടെ തിരുവനന്തപുരം തൈക്കാടുള്ള ഒരു വർക്കുഷോപ്പിൽ നിന്നാണ് ശ്രീകാര്യം പൊലീസ് കാർ കസ്റ്റഡിയിലെടുക്കുകയായിരുന്നു. ഭാര്യ: പത്മകുമാരി. മക്കൾ: ധനൂപ്, അനൂപ്.
