പെരുമ്പാവൂർ: പെരുമ്പാവൂരിൽ നാലുവയസുകാരിക്കു നേരെ ലൈംഗികാതിക്രമം കാട്ടിയ അന്യസംസ്ഥാനത്തൊഴിലാളികളെ കസ്റ്റഡിയിലെടുത്തു. കുറുപ്പംപടി വടക്കാട്ടുപടിയിൽ കുഞ്ഞിന് നേരെ ലൈംഗികാതിക്രമം കാട്ടിയ 2 പേരെയാണ് പോലീസ് അറസ്റ്റ് ചെയ്തത്. അസം സ്വദേശികളായ ഉബൈദുള്ള, സജാലാല് എന്നിവരാണ് അറസ്റ്റിലായതെന്ന് ആലുവ റൂറല് എസ് പി വിവേക് കുമാര് പറഞ്ഞു.
പ്രതികളെ കുട്ടി തിരിച്ചറിഞ്ഞതായി പൊലീസ് അറിയിച്ചു. കുഞ്ഞിനുനേരെ ലൈംഗിക അതിക്രമം നടന്നിട്ടുണ്ടെന്നും അമ്മയുടെ മൊഴി രേഖപ്പെടുത്തിയതായും മെഡിക്കല് പരിശോധനക്കുശേഷം ബാക്കി തുടര് നടപടി സ്വീകരിക്കുമെന്നും അദ്ദേഹം പറഞ്ഞു.
വെള്ളിയാഴ്ച വൈകിട്ട് വടക്കാട്ടുപടിയിലെ പ്ലൈവുഡ് ഫാക്ടറിയിലാണ് സംഭവം നടന്നത്. പ്ലൈവുഡ് ഫാക്ടറിയുടെ പിന്ഭാഗത്തായി തൊഴിലാളികള്ക്ക് വിശ്രമിക്കാനുള്ള സ്ഥലത്ത് കൊണ്ടുപോയാണ് കുഞ്ഞിനെ ലൈംഗികാതിക്രമത്തിന് ഇരയാക്കിയത്. ശാരീരികമായ അസ്വസ്ഥതകൾ കുട്ടി കാട്ടുന്നതു കണ്ട മാതാപിതാക്കൾ കാര്യം തിരക്കിയപ്പോഴാണ് പീഡനവിവരം പുറത്തറിയുന്നത്.
