കൊല്ലം: ആറാം ക്ലാസുകാരന് നേരെ ട്യൂഷൻ സെന്റർ അധ്യാപകന്റെ ക്രൂര മർദനം. കൊല്ലത്ത് ഇന്നലെ വൈകുന്നേരമാണ് സംഭവം നടന്നത്. ഹോംവര്ക്ക് ചെയ്തുവെന്ന് കുട്ടി കള്ളം പറഞ്ഞുവെന്നാരോപിച്ചാണ് ടീച്ചർ കുട്ടിയെ മര്ദ്ദിച്ചത്. അദ്വൈദ് രാജീവിനാണ് മർദ്ദനമേറ്റത്. പട്ടത്താനം അക്കാദമി ട്യൂഷന് സെന്ററിലെ അധ്യാപകന് റിയാസിനെതിരെയാണ് പരാതി.
സംഭവുമായി ബന്ധപ്പെട്ട് കുട്ടിയുടെ രക്ഷകര്ത്താക്കള് ചൈല്ഡ് ലൈനില് പരാതി നല്കി. കുട്ടിയെ ക്രൂരമായി മര്ദ്ദിച്ചെന്ന് പിതാവ് എസ് രാജീവന് പറഞ്ഞു. ഇതിന് മുൻപും റിയാസ് എന്ന അധ്യാപകൻ മകനെ ചൂരൽ കൊണ്ട് അടിച്ചിട്ടുണ്ടെന്നും എന്നാൽ അന്ന് താൻ മകനെ സമാധാനിപ്പിച്ചുവെന്നും കുട്ടിയുടെ മാതാവ് പറയുന്നു.
ഒരേ സ്ഥലത്ത് തന്നെ പതിനഞ്ചു തവണയോളം വടികൊണ്ട് അടിച്ചിട്ടുണ്ട്. പ്രാഥമിക കാര്യങ്ങള് പോലും ചെയ്യാന് കഴിയാതെ കുട്ടി ബുദ്ധിമുട്ടിലാണ്. അതേസമയം, സംഭവത്തിൽ പ്രതിഷേധിച്ച് എസ്എഫ്ഐ ട്യൂഷൻ സെൻറർ ഉപരോധിച്ചു.
