കരുനാഗപ്പള്ളി: കരുനാഗപ്പള്ളി മുന് എം.എല്.എയും സിപിഐ നേതാവുമായ ആര്. രാമചന്ദ്രന് അന്തരിച്ചു. 75 വയസായിരുന്നു. കൊച്ചിയിലെ സ്വകാര്യ ആശുപത്രിയിലായിരുന്നു അന്ത്യം. കരൾ രോഗത്തെ തുടർന്ന് ചികിത്സയിലായിരുന്നു. പുലർച്ചെ 3.55നാണ് മരണം സംഭവിച്ചത്. കഴിഞ്ഞ കുറച്ച ദിവസങ്ങൾക്ക് മുമ്പ് ആരോഗ്യനില വഷളായതോടെ ഒരാഴ്ച മുമ്പ് വീണ്ടും ആശുപത്രിയില് പ്രവേശിപ്പിക്കുകയായിരുന്നു.
2016ലാണ് കരുനാഗപ്പള്ളിയില് നിന്നും നിയമസഭയിലെത്തിയത്. സിപിഐ മുൻ ജില്ലാ സെക്രട്ടറിയാണ്. കഴിഞ്ഞ തെരഞ്ഞെടുപ്പിൽ കരുനാഗപ്പള്ളിയിൽ മത്സരിച്ചിരുന്നു. വിദ്യാര്ഥി രാഷ്ട്രീയത്തിലൂടെയാണ് അദ്ദേഹം പൊതുപ്രവര്ത്തനം തുടങ്ങിയത്.
മൃതദേഹം ഉച്ചയോടെ കരുനാഗപ്പള്ളിയിലെത്തിക്കും. തുടർന്ന് പാർട്ടി ഓഫീസിൽ പൊതു ദർശനത്തിനു ശേഷം സംസ്കാരം നാളെ കരുനാഗപ്പള്ളിയിലെ വീട്ടുവളപ്പില് നടക്കും.
