ഹൈദരാബാദ്: വ്യോമസോനാ പരിശീലന വിമാനം തകർന്ന് രണ്ടു പൈലറ്റുമാർ മരിച്ചു. തെലങ്കാനയിലാണ് സംഭവം. ഒരു പരിശീലകനും ഒരു കേഡറ്റുമാണ് മരിച്ചത്. എയർഫോഴ്സ് ട്രെയിനർ വിമാനമാണ് മേദക് ജില്ലയിൽ തകർന്നുവീണത്. അപകട കാരണം കണ്ടെത്താനായി സേന അന്വേഷണം തുടങ്ങി.
ദൈനംദിന പരിശീലനത്തിന്റെ ഭാഗമായി ഹൈദരാബാദ് എയർഫോഴ്സ് അക്കാദമിയിൽ നിന്നു പറന്നുയർന്ന വിമാനമാണ് തകർന്നുവീണത്. ഇന്ന് രാവിലെ 8:55 നായിരുന്നു അപകടം. പിസി 7 എംകെ II വിമാനമാണ് അപകടത്തിൽപ്പെട്ടത്. പാറക്കല്ലുകൾക്കിടയിൽ പതിച്ച് വിമാനം തീപിടിക്കുകയായിരുന്നുവെന്നാണ് പ്രാഥമിക വിവരം. പൈലറ്റുമാരുടെ മരണത്തിൽ പ്രതിരോധ മന്ത്രി രാജ്നാഥ് സിംഗ് അനുശോചനം രേഖപ്പെടുത്തി. ഒരു പരിശീലകനും ട്രെയിനി പൈലറ്റുമാണ് വിമാനത്തിൽ ഉണ്ടായിരുന്നത്.
