തിരുവനന്തപുരം: ഭിന്നശേഷികാരിയായ മകളെ കൊലപ്പെടുത്തി അമ്മ. ചിറയിൻകീഴാണ് സംഭവം. ചിറയിൻകീഴ് ചിലമ്പിൽ പടുവത്ത് വീട്ടിൽ എട്ടു വയസുകാരി അനുഷ്കയെയാണ് അമ്മ കിണറ്റിൽ തള്ളിയിട്ടു കൊലപെടുത്തിയത്. ഈ മാസം 19 മുതൽ യുവതിയെയും കുട്ടിയെയും കാണാനില്ലായിരുന്നു. തുടർന്ന് ബന്ധുക്കൾ ചിറയിൻകീഴ് പോലീസിൽ പരാതി നൽകുകയും തുടർന്ന് സോഷ്യൽ മീഡിയ വഴി പ്രചരണം നടത്തുകയും ചെയ്തിരുന്നു.
പൊലീസ് അന്വേഷണം വ്യാപകമായി തുടരുന്നതിനിടെയാണ് അമ്മ മിനി ഇന്ന് ചിറയിൻകീഴ് പൊലീസ് സ്റ്റേഷനിൽ എത്തി കുറ്റം സമ്മതിച്ചത്. അമ്മ മിനി തന്നെയാണ് കുട്ടിയെ കിണറ്റിൽ തള്ളിയിട്ടുവെന്ന് പോലീസിനോട് പറഞ്ഞത്. ശ്വാസം മുട്ടിച്ച് കൊലപ്പെടുത്തിയ ശേഷമാണ് മകളെ കിണറ്റിലിട്ടതെന്നാണ് അമ്മയുടെ മൊഴി. ഫോറൻസിക്, വിരളടയാള വിദഗ്ധർ സംഭവ സ്ഥലത്തെത്തി പരിശോധന നടത്തി.
