തിരുവനന്തപുരം: എൽ ഡി എഫ് പഞ്ചായത്ത്‌ കമ്മിറ്റിയുടെ ആഭിമുഖ്യത്തിൽ നൈറ്റ്‌ മാർച്ച്‌ സംഘടിപ്പിച്ചു. കണിയാപുരം ദേശീയ പാത വികസനവുമായി ബന്ധപ്പെട്ട് എൽ ഡി എഫ് പഞ്ചായത്ത്‌ കമ്മിറ്റിയുടെ ആഭിമുഖ്യത്തിൽ വിവിധ പ്രക്ഷോഭങ്ങൾ നടക്കുകയാണ്. ഇതിനു തുടർച്ചയായിട്ടാണ് നൈറ്റ്‌ മാർച്ച്‌ സംഘടിപ്പിച്ചത്. കണിയാപുരം മുതൽ വെട്ടുറോഡ് വരെയാണ് നൈറ്റ്‌ മാർച്ച്‌ സംഘടിപ്പിച്ചത്.
എൻ എച്ച് 66 വികസനത്തിന്റെ ഭാഗമായി കണിയാപുരത്തു നാടിനെ രണ്ടായി വിഭജിച്ച് വികസനം എന്നെന്നേക്കുമായി തടസപ്പെടുത്തുന്ന കോട്ട മതിൽ നിർമാണം നിർത്തിവെയ്ക്കണമെന്നും തൂണുകളിന്മേലുള്ള എലിവാറ്റഡ് മേൽപ്പാലം പണിയണമെന്നുമാണ് ഇവരുടെ ആവശ്യം. നൈറ്റ്‌ മാർച്ച്‌ എൽ ഡി എഫ് പഞ്ചായത്ത്‌ കൺവീനർ എം ജലീൽ ഉത്ഘാടനം ചെയ്തു.
സിപിഐ നെടുമങ്ങാട് മണ്ഡലം സെക്രട്ടേറിയറ്റ് അംഗം എസ് എച്ച് ഷാനവാസ്‌, ജില്ലാ പഞ്ചായത്ത്‌ അംഗം ഉനൈസാ അൻസാരി, സിപിഎം, സിപിഐ നേതാക്കളായ വി വിജയകുമാർ, എ ഹാഷിം, കെ ശ്രീകുമാർ, അഫ്സൽ കണിയാപുരം, കെ സോമൻ, ജനപ്രതിനിധികളായ എസ് ഹരികുമാർ, കെ മാജിദ, ഷിബില സക്കീർ, മണിമധു, എ ആർ റഫീഖ്, സിത്താര, മാലിക് ജബ്ബാർ എന്നിവർ നേതൃത്വം നൽകി.
