തിരുവനന്തപുരം: കണിയാപുരം ഡെവലപ്മെൻറ് ഓർഗനൈസേഷൻ കേന്ദ്ര ട്രാൻസ്പോർട്ട് ഹൈവേവികസന മന്ത്രി നിതിൻ ഗദ്ഗരിക്ക് നിവേദനം നൽകി. നാഷണൽ ഹൈവേ നിർമാണവുമായി ബന്ധപ്പെട്ട് കണിയാപുരം ടൗൺഷിപ്പ് ഏരിയയിൽ കോൺക്രീറ്റ് മതിലുകൾ കെട്ടി പൊക്കുന്നതിന് പകരം തൂണുകളിൽ തീർത്ത എലിവേറ്റഡ് ഹൈവേനിർമ്മിക്കണമെന്നുള്ള ആവശ്യവും, കണിയാപുരത്തെ റെയിൽവേ ഫ്ലൈ ഓവർ ഉടൻ പ്രാവർത്തികമാക്കണവും എന്നാവശ്യപ്പെട്ടാണ് കെ ഡി ഒ കേന്ദ്ര ട്രാൻസ്പോർട്ട് ഹൈവേവികസന മന്ത്രിക്ക് നിവേദനം നൽകിയത്.
നിവേദനത്തിന്റെ അടിസ്ഥാനത്തിൽ വേണ്ട നടപടികൾ സ്വീകരിക്കുമെന്ന് നിതിൻ ഗദ്ഗരി ഉറപ്പ് നൽകി. കഴിഞ്ഞ മൂന്ന് ദിവസമായി ഡൽഹിയിൽ താമസിച്ച സംഘം റെയിൽവേ മന്ത്രി, മൈനോറിറ്റി മന്ത്രി,നാഷണൽ ഹൈവേയുടെയും റെയിൽവേയുടെയും ഇന്ത്യയിലെ ഉന്നത ഉദ്യോഗസ്ഥർ എന്നിവരുമായി ചർച്ച നടത്തി.
കണിയാപുരത്തിന്റെ ആവശ്യങ്ങൾ ഉന്നയിച്ചു ഉടനടി പരിഹാരം ഉണ്ടാകും എന്നാണ് ബന്ധപ്പെട്ട മന്ത്രിയും ഉദ്യോഗസ്ഥരും അറിയിച്ചിട്ടുള്ളത്. കണിയാപുരം ഡെവലപ്മെൻറ് ഓർഗനൈസേഷൻ ചെയർമാൻ നൗഷാദ് തോട്ടിൻകര, ലീഗൽ അഡ്വൈസർ അഡ്വക്കേറ്റ് നിസാം, ജനറൽ കൺവീനർ എം കെ നവാസ്, സജീർ മെൻസിറ്റി, വാഹിദ് കൈപ്പള്ളി, ഷഫീഖ് വടക്കതിൽ, നിജാദ് അബ്ദുൽ വഹാബ്, റാസി ദാവൂദ് ഷാജു കരിച്ചാറ എന്നിവരാണ് കേന്ദ്ര മന്ത്രിയെ കാണാനെത്തിയ സംഘത്തിലുണ്ടായിരുന്നത്.
