ഡൽഹി: ഡൽഹി മദ്യനയ കേസിൽ ജയിലിൽ കഴിയുന്ന ഡൽഹി മുഖ്യമന്ത്രി അരവിന്ദ് കെജ്രിവാൾ മുഖ്യമന്ത്രി സ്ഥാനം ഒഴിയില്ലെന്ന് പുറത്തുവരുന്ന റിപ്പോർട്ടുകൾ സൂചിപ്പിക്കുന്നു. കെജ്രിവാൾ തന്നെ മുഖ്യമന്ത്രിയായി തുടരുമെന്നും ജയിലിൽ നിന്ന് കാര്യങ്ങൾ നിയന്ത്രിക്കുമെന്നും ആം അഡ്മി പാർട്ടി അറിയിച്ചു.
മുഖ്യമന്ത്രി പദവിയോടൊപ്പം എഎപി ദേശീയ കൺവീനര് സ്ഥാനവും ഒഴിയില്ല. ഭരണനിർവ്വഹണ ചുമതല മന്ത്രിമാരിൽ ആർക്കെങ്കിലും നൽകുമെന്നാണ് റിപ്പോർട്ട്. ഇഡി അറസ്റ്റ് ചെയ്തെങ്കിലും കെജ്രിവാളിന് ഡൽഹി മുഖ്യമന്ത്രിയായി തുടരാമെന്ന് നിയമവിദഗ്ധർ ചൂണ്ടിക്കാട്ടിയിട്ടുണ്ട്. ഇതിന്റെ അടിസ്ഥാനത്തിലാണ് പുതിയ തീരുമാനം. കെജ്രിവാളിന്റെ അറസ്റ്റില് രാജവ്യാപകമായുള്ള പ്രതിഷേധ പരിപാടികള്ക്ക് ഇന്ത്യ മുന്നണി ഉടന് രൂപം നല്കും.
