കണ്ണൂർ: കണ്ണൂർ പാനൂർ സ്ഫോടനത്തിൽ നാല് പേർ പോലീസ് കസ്റ്റഡിയിൽ. സായൂജ്, ഷിബിന്ലാല്, അരുണ്, അതുല് എന്നിവരാണ് കേസില് അറസ്റ്റിലായത്. സ്ഫോടനം നടന്ന സമയം ഇവർ നാല് പേർ അവിടെ ഉണ്ടായിരുന്നുവെന്നാണ് പോലീസ് പറയുന്നത്. ഇവരിൽ ഒരാൾ സംഭവം നടന്ന ഉടനെ ട്രെയിൻ കയറി രക്ഷപെടാൻ ശ്രമിച്ചിരുന്നു. ഇയാളെ പാലക്കാട് വച്ച് ഇന്നലെ രാത്രി പോലീസ് പിടികൂയിരുന്നു.
സായൂജിൽ നിന്നാണ് മറ്റു മൂന്ന് പേരിലേക്ക് പോലീസ് എത്തിയത്. സംഭവം നടന്ന സമയത്ത് അവിടെ എട്ടു പേർ ഉണ്ടായിരുന്നതായി പോലീസ് പറയുന്നു. ഇതിൽ മരിച്ച ഷെറിനും പരിക്കേറ്റ വിനീഷും മാത്രമാണ് ടെറസിൽ ഉണ്ടായിരുന്നത്.
വെള്ളിയാഴ്ച പുലര്ച്ചെ രാത്രി ഒരു മണിക്കായിരുന്നു സ്ഫോടനം നടന്നത്. കേസുമായി ബന്ധപ്പെട്ട് കൂടുതൽ പേരിലേക്ക് പോലീസ് എത്തുകയാണ്. സമീപജില്ലകളിലെ ആശുപത്രികളിലും പോലീസ് നിരീക്ഷണം ശക്തമാക്കിയിരിക്കുകയാണ്.
