തിരുവനന്തപുരം: സംസ്ഥാനത്ത് രണ്ട് ഗഡു ക്ഷേമ പെൻഷൻ കൂടി അനുവദിച്ചു. ചൊവ്വാഴ്ച മുതൽ ഇവ വിതരണം ചെയ്തു തുടങ്ങും. 3200 രൂപ വീതമാണ് പെൻഷൻ തുകയായി ലഭിക്കുക. പെൻഷൻ നേരിട്ട് ലഭിക്കുന്നവർക്ക് സഹകരണ സംഘങ്ങൾ വഴിയും, അല്ലാതെയുള്ളവർക്ക് ബാങ്ക് അക്കൗണ്ടുവഴിയും തുക ലഭിക്കുമെന്നാണ് അറിയിച്ചിരുന്നത്.
കഴിഞ്ഞ മാസം ഒരു മാസത്തെ പെൻഷൻ തുക അനുവദിച്ചിരുന്നു. റംസാൻ-വിഷു ആഘോഷത്തിന് മുന്നോടിയായാണ് ഇപ്പോൾ പെൻഷൻ ലഭിക്കുന്നത്. ഇനിയും നാല് മാസത്തെ പെൻഷൻ കുടിശിക കൂടി ലഭിക്കാനുണ്ട്.
62 ലക്ഷം ക്ഷേമപെൻഷൻ ഗുണഭോക്താക്കൾക്കാണ് തുക ലഭിക്കുക. 6.88 ലക്ഷം പേരുടെ കേന്ദ്ര സർക്കാർ വിഹിതവും സംസ്ഥാനം അനുവദിച്ചിട്ടുണ്ട്.
