കൊച്ചി: കൊച്ചി പുതുവൈപ്പ് ബീച്ചിൽ കുളിക്കാനിറങ്ങിയ യുവാവ് മുങ്ങിമരിച്ചു. കലൂര് സ്വദേശിയായ അഭിഷേക് (22) എന്ന യുവാവാണ് മരിച്ചത്. ഇന്ന് രാവിലെയാണ് സംഭവം നടന്നത്. കൂടെ ഉണ്ടായിരുന്ന രണ്ടു പേരുടെ നില ഗുരുതരമാണ്. കടലിൽ കുളിക്കാനിറങ്ങിയതാണ് അഭിഷേക് ഉൾപ്പെടെയുള്ള ഏഴു പേരുള്ള സംഘം.
കടലിൽ കുളിക്കുന്നതിനിടെ ഇവരിൽ മൂന്ന് പേർ തിരയിൽപ്പെടുകയായിരുന്നു. അഭിഷേക് വെള്ളത്തിൽ മുങ്ങിയപ്പോൾ ഒപ്പമുള്ളവർ രക്ഷപ്പെടുത്താൻ ശ്രമിച്ചതാണ് അപകടത്തിന് കാരണമെന്നാണ് പുറത്തു വരുന്ന വിവരം. ഒപ്പമുണ്ടായിരുന്ന ആൽബിൻ, മിലൻ എന്നിവരെ മറ്റുള്ളവർ ചേർന്ന് രക്ഷപ്പെടുത്തി. ഇരുവരെയും അടുത്തുള്ള ആശുപത്രിയിൽ പ്രവേശിപ്പിച്ചു. ചികത്സയിലുള്ള ഇവര് അപകടനില തരണം ചെയ്തിട്ടില്ല.
