ഗാന്ധിനഗര്‍: ഗെയിംസോണില്‍ വന്‍ തീപിടുത്തം. ഗുജറാത്തിലെ രാജ്‌കോട്ടിലാണ് സംഭവം. കുട്ടികളുൾപ്പെടെ 22 പേർ മരിച്ചു. ഇന്ന് വൈകുന്നേരമാണ് അപകടം നടന്നത്.
ഗുജറാത്തിലെ ടിആര്‍പി ഗെയിംസോണിലാണ് തീപിടുത്തമുണ്ടായിരുന്നത്. സ്ഥലത്ത് കുട്ടികള്‍ കളിച്ചുകൊണ്ടിരിക്കെയാണ് തീപിടുത്തമുണ്ടായത്. മരിച്ചവരില്‍ നാലുപേരെ തിരിച്ചറിഞ്ഞു. മരണസംഖ്യ ഉയരാന്‍ സാധ്യതയുണ്ടെന്നാണ് റിപ്പോർട്ടുകൾ വ്യക്തമാക്കുന്നത്.
തീ അണയ്ക്കാനുള്ള ശ്രമം തുടരുകയാണ്.മാത്രമല്ല ഗെയിം സോണിലെ മുഴുവന്‍ സൗകര്യങ്ങളും അഗ്‌നിക്കിരയായി. ഇതേ തുടർന്ന് കുട്ടികള്‍ ഉള്‍പ്പെടെ നിരവധി ആളുകള്‍ കുടുങ്ങിക്കിടക്കുന്നതായി സംശയമുണ്ട്.സംഭവത്തില്‍ സ്ഥാപന ഉടമ ഭൂപേന്ദ്ര സിങ് സോളങ്കിയെ പൊലീസ് അറസ്റ്റ് ചെയ്തു.
ടിആര്‍പി ഗെയിം സോണിലെ താല്‍ക്കാലിക കെട്ടിടത്തിലാണ് തീപിടിത്തമുണ്ടായത്. അപകടത്തിന്റെ കാരണം ഇതുവരെ വ്യക്തമല്ല. പൊലീസ് അന്വേഷണം തുടങ്ങിയെന്ന് രാജ്‌കോട്ട് പൊലീസ് കമ്മിഷണര്‍ പറഞ്ഞു.
