എറണാകുളം: സ്കൂള് പ്രവേശനോത്സവത്തിന്റെ സംസ്ഥാനതല ഉദ്ഘാടനം നാളെ രാവിലെ 9.30ന് എറണാകുളം എളമക്കര ഗവ. ഹയര് സെക്കന്ററി സ്കൂളില് മുഖ്യമന്ത്രി പിണറായി വിജയന് നിര്വഹിക്കും. മന്ത്രി വി. ശിവന്കുട്ടി അധ്യക്ഷത വഹിക്കും. മന്ത്രി പി രാജീവ്, പ്രതിപക്ഷ നേതാവ് വി. ഡി. സതീശന് എന്നിവരും മറ്റു ജനപ്രതിനിധികളും വിശിഷ്ടാതിഥികളായി പങ്കെടുക്കും.
രാവിലെ 9 ന് മന്ത്രി വി. ശിവന്കുട്ടിയുടെ നേതൃത്വത്തില് ഒന്നാം ക്ലാസിലെ കുട്ടികളെ സ്വീകരിക്കും. തുടര്ന്ന് പ്രവേശനോത്സവ ഗാനം ദൃശ്യാവിഷ്ക്കാരം നടക്കും.
ടി. ജെ. വിനോദ് എം.എല്.എ, ഹൈബി ഈഡന് എം.പി, മേയര് അഡ്വ.എം അനില്കുമാര്, എം.പിമാരായ ജെബി മേത്തര്, തോമസ് ചാഴിക്കാടന്, എം.എല്.എമാരായ ആന്റണി ജോണ്, അനൂപ് ജേക്കബ്, കെ. ബാബു, കെ.ജെ. മാക്സി, മാത്യു കുഴല് നാടന്, പി.വി. ശ്രീനിജിന്, ഉമ തോമസ്, കെ.എന്. ഉണ്ണികൃഷ്ണന്, മറ്റു ജനപ്രതിനിധികൾ, ഉദ്യോഗസ്ഥർ തുടങ്ങിയവര് പങ്കെടുക്കും.
