തിരുവനന്തപുരം: കോൺഗ്രസ് ചിറയിൻകീഴ് മണ്ഡലം കമ്മിറ്റിയുടെ നേതൃത്വത്തിൽ രാപ്പകൽ സമരം സംഘടിപ്പിക്കുന്നു. മുതലപൊഴിയിൽ വച്ച് നടക്കുന്ന സമരത്തിന്റെ ഉദ്ഘാടനം പ്രതിപക്ഷ നേതാവ് വി ഡി സതീശൻ നിർവഹിക്കും.
മുതല പുഴയിലെ അപകടങ്ങൾ വർധിക്കുന്ന സാഹചര്യത്തിലാണ് രാപ്പകൽ സമരം സംഘടിപ്പിക്കുന്നത്. ജൂലൈ 2 ചൊവ്വാഴ്ച വൈകുന്നേരം അഞ്ചുമണി മുതൽ ജൂലൈ 3 ബുധനാഴ്ച അഞ്ചുമണി വരെയാണ് രാപ്പകൽ സമരം സംഘടിപ്പിക്കുന്നത്. മുതലപ്പൊഴിയിലെ അശാസ്ത്രീയത പരിഹരിക്കുക, മരണപ്പെട്ടവരുടെ കുടുംബങ്ങളുടെ ഉത്തരവാദിത്വം സർക്കാർ ഏറ്റെടുക്കുക തുടങ്ങിയ ആവശ്യങ്ങൾ പരിഹരിക്കണമെന്ന് ആവശ്യപ്പെട്ട് മത്സ്യത്തൊഴിലാളികളെ വഞ്ചിക്കുന്ന കേന്ദ്ര-സംസ്ഥാന സർക്കാരുകൾക്കെതിരെയാണ് കോൺഗ്രസ് സമരം സംഘടിപ്പിക്കുന്നത്.
