തൃശൂർ: ഒന്നര വയസുകാരിയെ കിണറ്റിൽ മരിച്ച നിലയിൽ കണ്ടെത്തി. തൃശൂർ ചിറമനേങ്ങാട് നെല്ലിക്കുന്നിലാണ് സംഭവം നടന്നത്. ഇന്നലെ രാത്രി 11 മണിയോടെയാണ് കുഞ്ഞിനെ മരിച്ച നിലയിൽ കിണറ്റിനു ഉള്ളിൽ നിന്ന് കണ്ടെത്തിയത്.
മുല്ലക്കൽ വീട്ടിൽ സുരേഷ്ബാബു – ജിഷ ദമ്പതികളുടെ മകൾ അമയയാണ് മരിച്ചത്. കുഞ്ഞ് എങ്ങനെ കിണറ്റിൽ വീണു എന്ന് വ്യക്തമല്ല. കുഞ്ഞിന്റെ അമ്മയാണ് ആദ്യം കുഞ്ഞിനെ കിണറ്റിൽ വീണു കിടക്കുന്നതായി കണ്ടത്. തുടർന്ന് ഉടൻ തന്നെ അയൽ വീട്ടിലെത്തി കുട്ടി കിണറ്റിൽ വീണ് കിടക്കുന്നുവെന്ന് അറിയിക്കുകയായിരുന്നു.
ഉടൻ തന്നെ നാട്ടുകാർ എരുമപ്പെട്ടി പൊലീസിൽ വിവരമറിയിച്ചു. തുടർന്ന് കുന്നംകുളം അഗ്നിരക്ഷാസേനാ സംഘം കുഞ്ഞിനെ പുറത്തെടുക്കുകയായിരുന്നു. ഉടൻ തന്നെ ആശുപത്രിയിൽ എത്തിച്ചെങ്കിലും മരണം സ്ഥിതീകരിക്കുകയായിരുന്നു.
