തിരുവനന്തപുരം: വർക്കലയിൽ 7.734 കിലോഗ്രാം കഞ്ചാവുമായി ഒരാളെ എക്സൈസ് അറസ്റ്റ് ചെയ്തു. ചെറുന്നിയൂർ താന്നിമൂട് സ്വദേശി 37 വയസ്സുള്ള പങ്കു എന്ന് വിളിപ്പേരുള്ള ഉമേഷിനെയാണ് കഞ്ചാവ് കൈവശം വച്ചതിന് അറസ്റ്റ് ചെയ്തത്. ഒഡീഷയിൽ നിന്നും ട്രെയിൻ മാർഗ്ഗം എത്തിച്ച കഞ്ചാവ് ഇയാൾ ബന്ധുവീട്ടിൽ ഒളിപ്പിച്ചു വച്ചിരിക്കുകയായിരുന്നു. സ്റ്റേറ്റ് എക്സൈസ് എൻഫോഴ്സ്മെന്റും വർക്കല എക്സൈസ് റേഞ്ചും സംയുക്തമായി നടത്തിയ ഓപ്പറേഷനിലാണ് ഇയാൾ പിടിയിലായത്.
പാർട്ടിയിൽ എക്സൈസ് സർക്കിൾ ഇൻസ്പെക്ടർ ജി. കൃഷ്ണകുമാർ, എക്സൈസ് ഇൻസ്പെക്ടർമാരായ മധുസൂദനൻ നായർ, ടി. ആർ മുകേഷ്കുമാർ ,ആർ. ജി. രാജേഷ്, സജീവ്. വി, അസിസ്റ്റന്റ് എക്സൈസ് ഇൻസ്പെക്ടർ ഗ്രേഡ് സെബാസ്റ്റ്യൻ. കെ. എ,പ്രിവൻറ്റീവ് ഓഫീസർ ഗ്രേഡ് കൃഷ്ണകുമാർ. എൻ. പി,സിവിൽ എക്സൈസ് ഉദ്യോഗസ്ഥരായ ശരത്, സുബിൻ, വിശാഖ്, പ്രിൻസ്, ദിനു. പി. ദേവ്, മനീഷ്, വനിതാ സിവിൽ എക്സൈസ് ഉദ്യോഗസ്ഥ സീന. കെ,സിവിൽ എക്സൈസ് ഓഫീസർ ഡ്രൈവർ വിനോജ് ഖാൻ സേട്ട് എന്നിവർ ഉണ്ടായിരുന്നു.
